Ի՞նչ պատվաստումներ են անհրաժեշտ մեծահասակներին։
- Մարդու պապիլոմավիրուսի (HPV) դեմ պատվաստում՝ մինչև 27 տարեկան կանանց և տղամարդկանց ։ Հնարավոր է պատվաստվել նաև մինչև 40 տարեկանը։
- Գրիպի դեմ պատվաստում՝ ամեն տարի՝ աշուն-ձմեռ սեզոնին։
- Դիֆթերիայի և փայտացման (տետանուսի) դեմ վերապատվաստում՝ յուրաքանչյուր 10 տարին մեկ։
- Հղիության երրորդ եռամսյակում խորհուրդ է տրվում պատվաստվել կապույտ հազի (կոկլյուշի) դեմ։
- Անբարենպաստ համաճարակային իրավիճակի դեպքում խորհուրդ է տրվում պատվաստվել կարմրուկի, կարմրախտի և խոզուկի դեմ։
- Ռիսկի խմբում գտնվող անձանց խորհուրդ է տրվում պատվաստվել վիրուսային հեպատիտ B-ի դեմ։
- Արտակարգ (էքստրեն) պատվաստում՝ փայտացման (տետանուսի) և կատաղության դեմ։
Ի՞նչ պատվաստանյութեր կան Հայաստանում։
- Կարմրուկ, կարմրախտ, խոզուկ — Priorix (Բելգիա) և MMR VaxPro (Նիդեռլանդներ)
- Գրիպ — Vaxigrip Tetra (Ֆրանսիա)
- Մարդու պապիլոմավիրուս (HPV) — Gardasil 4 (ԱՄՆ)
- Դիֆթերիա, փայտացում (տետանուս) — Tetadif (Բուլղարիա)
- Դիֆթերիա, փայտացում (տետանուս), կապույտ հազ (կոկլյուշ) — Adacel (Կանադա) մինչև 25 տարեկան անձանց և հղի կանանց՝ հղիության երրորդ եռամսյակում
- Հեպատիտ B — հնդկական ռեկոմբինանտ պատվաստանյութ
- Կատաղություն — ԿոկԱՎ (Ռուսաստան)
Պե՞տք է պատվաստվեմ այս բոլոր պատվաստանյութերով։
Ամենայն հավանականությամբ՝ ոչ։ Անհատական պատվաստումների պլանը կարելի է կազմել բժշկի հետ խորհրդակցության ընթացքում։
Կարո՞ղ եմ միաժամանակ մի քանի պատվաստանյութ ստանալ։
Այո՛։ Միաժամանակ մի քանի պատվաստանյութի ներարկումը չի բարձրացնում բարդությունների ռիսկը և չի նվազեցնում դրանց արդյունավետությունը։
Իսկ պատվաստումների համար հակացուցումներ կա՞ն։
Պատվաստումը հակացուցված է այն անձանց, ովքեր նախկին պատվաստումից հետո ունեցել են ծանր ալերգիկ ռեակցիա։ Կենդանի թուլացված պատվաստանյութերը, օրինակ՝ կարմրուկի դեմ, հակացուցված են իմունային անբավարարություն ունեցող անձանց (արյան հիվանդությունների, քիմիաթերապիայի ֆոնին և այլն), ինչպես նաև հղիներին։ Խորհուրդ է տրվում նաև հետաձգել պատվաստումը սուր հիվանդության դեպքում՝ մինչև լիարժեք ապաքինումը։
Պատվաստանյութերը թա՞նկ են։
Հայաստանում պոլիկլինիկային կցագրված բոլոր անձանց պատվաստումները կատարվում են անվճար։
Ի՞նչ է անհրաժեշտ պոլիկլինիկայի կցագրվելու համար։
Կցագրման համար անհրաժեշտ է ունենալ Հանրային ծառայությունների համար (ՀԾՀ) համար («սոցքարտ»)։ Կցագրման գործընթացը կարող է տևել մի քանի ժամից մինչև մի քանի օր։ Անհրաժեշտ է նաև ներկայացնել անձնագրի տվյալները և Հայաստանում բնակության հասցեն։
Կարևոր է. Մենք գիտենք դեպքերի մասին, երբ պոլիկլինիկաները մերժել են կցագրումը՝ առանց օրինական հիմքերի
Հնարավո՞ր է պատվաստվել վճարովի հիմունքներով։
Այո՛։ Մեզ հայտնի են դեպքեր, երբ որոշ բժշկական կենտրոններում պատվաստումները կատարվում են վճարովի հիմունքներով։
Հնարավո՞ր է պատվաստվել հենց «Չայկա» կլինիկայում։
Ոչ, մեր կլինիկայում պատվաստումներ չեն իրականացվում։
Սակայն եթե խորհրդատվության ընթացքում պարզվի, որ Ձեզ անհրաժեշտ է պլանային պատվաստում, բժիշկը կարող է կազմել անհատական պատվաստումների պլան, տեղեկացնել, թե որ պատվաստանյութերն են հասանելի Հայաստանում, որտեղ կարելի է պատվաստվել և ինչպես կազմակերպել այդ գործընթացը։ Ավելի մանրամասն տեղեկություն կարող եք ստանալ բժշկի ընդունելության ժամանակ։
Մենք ցանկանում ենք, որ Դուք գտնեք Ձեր բժշկին։
