Ինչու՞ է պետք պատվաստել նորածիններին այդքան վաղ։

Նորածին երեխան պաշտպանված է այն հակամարմիններով, որոնք ստացել է մորից։ Եթե մայրը պատվաստված է եղել կամ ինչ-որ հիվանդությամբ հիվանդացել է, ապա այդ հակամարմինները կփոխանցի երեխային։ Սակայն, քանի որ երեխայի մոտ սեփական հակամարմիններ չեն գոյանում, ապա 4-6 ամսականում նա մնում է առանց մոր պաշտպանության և կարող է հիվանդանալ։ Հենց այդ պատճառով էլ կարևոր է սկսել երեխային պատվաստել կյանքի առաջին ամիսներին, որպեսզի նրա իմունային համակարգը հասցնի ստեղծել պաշտպանություն։

Ինչու՞ այդքան շատ պատվաստանյութեր։

Պատվաստանյութերը նախատեսված են այն հիվանդությունների դեմ, որոնք արագ են տարածվում և/կամ հաճախ բերում են բարդությունների։ Բոլոր կարևոր պատվաստանյութերը ներառված են Հայաստանի ազգային պատվաստումների օրացույցում՝ Առողջապահության համաշխարհային կազմակերպության առաջարկությունների համաձայն։

Ինչ պատվաստանյութեր են ներառված երեխաների համար Հայաստանում․

— Տուբերկուլյոզ — ռուսական ԲՑԺ պատվաստանյութ

— Հեպատիտ B — հնդկական ռեկոմբինանտ պատվաստանյութ

— Հեպատիտ B, դիֆթերիա, փայտացում, պոլիոմիելիտ, կապույտ հազ և հեմոֆիլուս ինֆեկցիա B — Hexaxim (Ֆրանսիա), 1 տարվա ընթացքում

— Պնևմոկոկային ինֆեկցիա — Prevenar 13 (ԱՄՆ), 1 տարվա ընթացքում

— Կարմրուկ, կարմրախտ, խոզուկ — Priorix (Բելգիա) և MMR VaxPro (Նիդեռլանդներ)

— Դիֆթերիա, փայտացում, կապույտ հազ, պոլիոմիելիտ — Tetraxim (Ֆրանսիա)

— Դիֆթերիա, փայտացում, կապույտ հազ — Adacel (Կանադա)

— Ռոտավիրուսային ինֆեկցիա — Rotarix (Բելգիա)

— Գրիպ — Vaxigrip Tetra (Ֆրանսիա)

— Մարդու պապիլոմավիրուս — Gardasil-4 (ԱՄՆ)

— Ջրծաղիկ — ներառված է ազգային օրացույցում 2024 թվականից։ Պատվաստանյութ՝ Varilrix (Բելգիա)

— Մենինգիտ — Menactra (Ֆրանսիա), պատվաստվում են զորակոչային տարիքի տղաները

— Հեպատիտ A — Healive (Չինաստան), պատվաստվում են զորակոչային տարիքի տղաները

— Կատաղություն — Kokav (Ռուսաստան)

Ինչպե՞ս հասկանալ, թե ինչ պատվաստանյութեր են պակասում երեխայի համար․

Բժիշկը կարող է կազմել անհատական պատվաստումների պլան՝ հաշվի առնելով լրացնող պատվաստման կանոնները։ Երբեմն դա նշանակում է օգտագործել կոմբինացված պատվաստանյութեր։ Լրացուցիչ դեղաչափերը սովորաբար լավ են ընկալվում և անվնաս են օրգանիզմի համար։

Կարելի՞ է միանգամից մի քանի պատվաստանյութ ստանալ։

Այո։ Միաժամանակյա ներարկման դեպքում ռիսկերը չեն ավելանում, իսկ պատվաստանյութերի արդյունավետությունը մնում է նույնը։ Կոմբինացված պատվաստանյութերը նաև օգնում են նվազեցնել ներարկումների թիվը և այցելությունների քանակը։

Կա՞ն հակացուցումներ պատվաստման համար։

Պատվաստումը հակացուցված է այն մարդկանց, ովքեր նախկինում ունեցել են ծանր ալերգիկ ռեակցիաներ նախորդ պատվաստումից հետո։Կենդանի թուլացված պատվաստանյութերի, օրինակ՝ կարմրուկի դեմ, ներարկումը հակացուցված է արյան հիվանդությունների կամ քիմիաթերապիայի ֆոնին իմունային անբավարարություն ունեցող անձանց։Բացի այդ, խորհուրդ է տրվում զերծ մնալ պատվաստումից սուր հիվանդության դեպքում՝ մինչև լիարժեք ապաքինումը։

Եթե երեխայի մոտ եղել է ռեակցիա պատվաստանյութի նկատմամբ, դա համարվո՞ւմ է բժշկական հակացուցում հետագա պատվաստումների համար։

Պատվաստանյութը՝ դեղամիջոց է։ Ինչպես բոլոր իսկապես աշխատող դեղամիջոցները, պատվաստանյութերը կարող են ունենալ կողմնակի բարդություններ:Ամենատարածված կողմնակի ազդեցություններն են՝ ներարկման հատվածում ուռածություն, ցավ և կարմրություն, ընդհանուր անհանգստություն, ինչպես նաև պատվաստումից հետո առաջացող ցան՝ կենդանի պատվաստանյութերի օգտագործումից։ Այնուամենայնիվ, այդպիսի կողմնակի ազդեցությունները կանխատեսելի են և չեն հանդիսանում հետագա պատվաստումների հակացուցում։

Արդյոք պատվաստանյութերը թանկ են:

Հայաստանում բոլոր պատվաստանյութերը անվճար են։ Ավելին, անվճար են նույնիսկ թանկարժեք պատվաստանյութերը, օրինակ՝ Գարդասիլ-4։ Սակայն պատվաստվելու համար անհրաժեշտ է մանկաբույժի ուղեգիր։

Վճարովի պատվաստում հնարավո՞ր է։

Ոչ։ Հայաստանում հնարավոր չէ պաշտոնապես վճարել պատվաստանյութերի համար։

Ի՞նչ է անհրաժեշտ պատվաստման համար։

Պատվաստման համար անհրաժեշտ է սոցիալական համար (SSN)։ Այն թույլ է տալիս գրանցվել պոլիկլինիկայում՝ պատվաստում անցնելու համար։ Գրանցման գործընթացը տևում է մի քանի ժամ։ Այնուամենայնիվ, եթե դուք արդեն գրանցված եք պոլիկլինիկայում, պոլիկլինիկայի փոփոխությունը կարող է տևել մինչև 7 օր։ Բացի այդ, անհրաժեշտ է տրամադրել անձնագրային տվյալներ և բնակության հասցե Հայաստանում։

Կարո՞ղ է պատվաստումը կատարվել հենց Չայկայում։

Հայաստանի օրենքների համաձայն, մասնավոր կլինիկայում պատվաստում անցկացնել չի թույլատրվում, քանի որ պատվաստանյութերն հաշվառվում են։ Սակայն մենք ունենք գործընկեր՝ «Դավիդյանց» բժշկական կենտրոնը, որտեղ հնարավոր է պատվաստում անցկացնել։ Պատվաստման համար անհրաժեշտ է գրանցվել մանկաբույժի մոտ․ բժիշկը կանցկացնի զննում, կուղարկի եզրակացությունն ու սոցիալական համարը «Դավիդյանց» կլինիկա, կպահանջի պատվաստանյութը և կհամաձայնեցնի պատվաստման ժամանակը։

«Դավիդյանց» բժշկական կենտրոնում վճարելու անհրաժեշտություն կա՞։

Չայկա կլինիկայում Դուք վճարում եք բժշկի խորհրդատվության համար ‘ նախապատվաստումային հետազոտությամբ 38000 ֏, որը ներառում է պատվաստանյութի արժեքը, գործընթացի ուղեկցումը և կազմակերպումը։ Գինը կախված չէ ներարկվող պատվաստանյութերի քանակից։ «Դավիդյանց» կենտրոնում պատվաստանյութերի համար լրացուցիչ վճարում չի պահանջվում։

Սպասում ենք Ձեզ մեր “Չայկա”- յում