Անհրաժեշտ է գնահատել փշի ներթափանցման խորությունը, մուտքի տեղը և չափսը։

Միշտ դիմեք բժշկի, եթե՝

❗️ Փուշը մեծ է և/կամ խորն է ներթափանցել։

❗️ Փուշը կենսաբանական ծագում ունի (օրինակ՝ միջատի խայթոց կամ ոսկոր)։

❗️ Փայտացման պատվաստումը կատարվել է 5 տարի առաջ կամ ավելի։

❗️ Օտար մարմինը ուժեղ ցավ է առաջացնում։

❗️ Փշի շուրջը կա արտահայտված բորբոքում (կարմրություն, այտուց, թարախ)։

❗️ Եթե ջերմաստիճանը բարձրանում է:

Եթե չեք կարող կամ չեք ցանկանում ինքնուրույն հեռացնել փուշը, դիմեք բժշկի։

Եթե փուշը մակերեսային է և փոքր չափսի, ապա կարելի է հաղթահարել տանը՝

·      Լվացեք ձեր ձեռքերը և փշի տեղը օճառով։

·      Եթե փշի ծայրը դուրս է եկել, փորձեք այն հեռացնել պինցետով (նախապես մաքրեք պինցետը սպիրտով կամ հակասեպտիկով)։

·      Եթե չի հաջողվում, կարող եք թրջել վերքը, օրինակ՝ տաք ջրում կամ լոգանքից հետո, ինչը կօգնի փշի դուրս գալուն։

·      Հեռացրեք փուշը այն ուղղությամբ, որով այն մուտք է գործել մաշկ։

·      Եթե մուտքի տեղը տեսանելի չէ, թույլատրելի է փշի եզրը մի փոքր բացել ստերիլ ասեղով՝ հեշտացնելու դուրս գալը։ Զգույշ եղեք, որպեսզի չվնասեք շրջակա հյուսվածքները։

·      Ինքներդ կարող եք փորձել հեռացնել փուշը սոսնձի կամ մոմային շերտի միջոցով։

·      Փշի հեռացումից հետո կարևոր է վերքը մշակել հակասեպտիկով և քսել հակաբակտերիալ քսուք (օրինակ՝ Բակտրոբան, Բանեոցին)։

·      Եթե փշի մանր կտորները փոքր են, ցավ չպատճառող և մակերեսային, կարելի է թողնել, որպեսզի դրանք դուրս գան մաշկի բնական շերտազատման կամ փոքր թարախապալարի ձևավորման միջոցով։