«Ձեռք-ոտք-բերան» հիվանդությունը (հայտնի նաև որպես էնտերովիրուսային վեզիկուլյար ստոմատիտ) վարակիչ վիրուսային հիվանդություն է, որը հաճախ հանդիպում է փոքր երեխաների շրջանում, բայց կարող է հանդիպել նաև մեծահասակների մոտ։ Այն բնորոշվում է ցաներով ձեռքերի և ոտքերի հատվածում, ինչպես նաև խոցերի առաջացմամբ բերանի խոռոչում (կարող են նմանվել ստոմատիտի):

Հիմնական ախտանիշները

Բարձր ջերմություն: Հիվանդության առաջին փուլը հաճախ սկսվում է ջերմության բարձրացմամբ, մինչև 38-39°C:

Ցան: Ձեռքերին, ոտքերին և երբեմն նաև նստատեղի շրջանում առաջանում են փոքրիկ պղպջակներ, որոնք կարող են քոր առաջացնել և անհանգստություն պատճառել:

Խոցեր բերանի խոռոչում: Բերանի մեջ առաջանում են ցավոտ խոցեր, որոնք կարող են դժվարացնել ուտելը և խմելը:

Ընդհանուր ախտանիշներ: Երեխայի մոտ կարող են դիտվել հոգնածություն, գրգռվածություն և ախորժակի վատացում:

Վարակի փոխանցման ուղիները

Վարակը փոխանցվում է վարակված մարդու քթից և կոկորդից արտազատվող արտադրություններից, ինչպես նաև մաշկի պղպջակների միջոցով, և կարող է տարածվել նաև ֆեկալ-օրալ ճանապարհով։ Նման բռնկումներ հաճախ հանդիպում են ամռանն ու աշնանը։

Բուժում և խնամք

Վիրուսային հիվանդությունը սովորաբար ինքնուրույն անցնում է 7-10 օրվա ընթացքում։ Հիմնական խնամքի առաջարկները ներառում են.

Հեղուկների բավարար ընդունում: Կարևոր է ապահովել բավարար քանակի հեղուկի ընդունում, որպեսզի կանխվի ջրազրկումը, հատկապես եթե խոցերի պատճառով երեխան հրաժարվում է խմելուց և ուտելուց:

Ջերմությունը նվազեցնելը: Տենդը ա ացնող միջոցների կիրառումը (բժշկի ցուցումով) կարող է օգնել իջեցնել ջերմությունը և բարելավել երեխայի ընդհանուր ինքնազգացողությունը:

Ցավազրկում: Անհրաժեշտության դեպքում կարելի է օգտագործել ցավազրկող միջոցներ, օրինակ՝ իբուպրոֆեն, ցավը մեղմացնելու համար:

Երբ դիմել բժշկին?

Եթե նկատում եք հիվանդության առաջին ախտանիշները երեխայի մոտ, անհրաժեշտ է դիմել բժշկի։ Կարևոր է նաև հաշվի առնել հետևյալ «կարմիր դրոշակները»․

Ջերմաստիճանը գերազանցում է 39°C-ը և չի նվազում ջերմիջեցնող միջոցների օգնությամբ։

Երեխան դրսևորում է ջրազրկման նշաններ (բերանի չորություն, միզապարկի արտաթորանքի նվազում, արտահայտված թուլություն)։

Մաշկի և լորձաթաղանթի վրա առաջացած տարրերը փոփոխվել են և չեն լավանում