Երբեմն երեխայի զգացմունքային կամ վարքային փոփոխությունները կարող են թվալ ժամանակավոր և աննշան, բայց դրանք կարող են հուշել ավելի խորը խնդիրների մասին։ Նման դեպքերում մանկական հոգեբանի աջակցությունը կարող է կարևոր քայլ լինել խնդիրների լուծման ճանապարհին։

Նշաններ, որոնց վրա ծնողները պետք է ուշադրություն դարձնեն

1.Վարքագծի կտրուկ փոփոխություններ

2.Եթե երեխան հանկարծ դարձել է փակ, ագրեսիվ, անհանգիստ կամ գրգռված, դա կարող է լինել նշան, որ նա դժվարանում է հաղթահարել ներքին ապրումները։ Հաճախակի զայրույթի բռնկումները, քմահաճությունները կամ բարձր գրգռվածությունը կարող են վկայել սթրեսի կամ անհանգստության մասին, որոնք պահանջում են մասնագիտական աջակցություն։

3.Կոմունիկացիոն դժվարություններ

4.Եթե երեխային դժվար է սոցիալական միջավայրում, օրինակ՝ նա չի կարողանում կապեր հաստատել կամ պահպանել խմբի մեջ, ունի բարդություններ ընկերների կամ ընտանիքի անդամների հետ հարաբերություններում, խուսափում է շփումներից և ունի միայնության զգացում, դա կարևոր ցուցիչ է, որ երեխային կարող է անհրաժեշտ լինել օգնություն։

5.Վախեր և անհանգստություն

6.Որոշակի տարիքում վախերի առկայությունը նորմալ է, բայց եթե դրանք դառնում են կպչուն և խանգարում են երեխային (կամ ընտանիքին) լիարժեք կյանք վարել, անհրաժեշտ է մտածել հոգեբանի հետ խորհրդատվության մասին։ Օրինակ՝ եթե վախերը չեն անցնում տարիքի հետ կամ այնքան ուժեղ են, որ երեխան հրաժարվում է դպրոց գնալ, մենակ քնել կամ մնալ առանց ծնողների։

7.Դպրոցական դժվարություններ

8.Դժվարություններ դպրոցում՝ ինչպես ուսումնական առաջադիմության, այնպես էլ վարքի առումով, հաճախ վկայում են ավելի խորը ապրումների մասին։ Ուսման նկատմամբ հետաքրքրության նվազումը, անուշադրությունը, դպրոց գնալուց հրաժարումը, ուսուցիչների և համադասարանցիների հետ կոնֆլիկտները կարող են լինել զգացմունքային խնդիրների արտահայտում։

9.Ընտանեկան ճգնաժամեր

10.Ընտանիքում տեղի ունեցող բարդ իրադարձությունները, ինչպիսիք են ծնողների ամուսնալուծությունը, տեղափոխությունը, նոր երեխայի ծնունդը կամ սիրելիի կորուստը, կարող են երեխայի համար լուրջ սթրես առաջացնել։ Նման դեպքերում կարևոր է ժամանակին դիմել աջակցություն ստանալու համար, որպեսզի օգնենք երեխային հաղթահարել այս բարդ ժամանակահատվածը։

11.Սովորությունների փոփոխություններ

12.Ավելի շատ ուտելը կամ ուտելուց հրաժարվելը, քնի ռեժիմի փոփոխությունները, գիշերային մղձավանջները կամ քնելու դժվարությունները հնարավոր ազդակներ են, որ երեխան բախվում է ներքին անհանգստությունների, որոնք պահանջում են ուշադրություն։

13.Ծնողների վստահության բացակայություն դաստիարակության հարցերում

Հոգեբանի աշխատանքի առանձնահատկությունները
Մանկական հոգեբանի աշխատանքը ներառում է ոչ միայն երեխայի, այլև ծնողների հետ աշխատանք.

Մասնագետը օգնում է ընտանիքին կառուցել առողջ և վստահելի հարաբերություններ,
սովորեցնում է ծնողներին ավելի լավ հասկանալ իրենց երեխային և աջակցել նրան բարդ պահերին։

Դիմել մանկական հոգեբանին՝ նշանակում է քայլ կատարել ձեր երեխայի զգացմունքային առողջության պահպանման ուղղությամբ։